ஒலிம்பிக் தடகள போட்டிகளில் ஜமேக்கா முழு ஆதிக்கம் செலுத்தி வருகிறது. நேற்று முன்தினம் நடந்த பெண்களுக்கான 200 மீற்றர் ஓட்டத்தில் ஜமேக்காவின் வெரானிகா கேம்பெல் தங்கம் வென்று சாதித்தார்.
பெண்களுக்கான 200 மீற்றர் ஓட்டத்தில் ஜமேக்காவின் வெரானிகா கேம்பெல், ஷரோன் சிம்சன், அமெரிக்காவின் முனா லீ உள்ளிட்ட முக்கிய வீராங்கனைகள் கலந்துகொண்டனர். தொடக்கத்திலே சிறப்பாக ஓடிய ஜமேக்காவின் வெரானிகா 21.74 விநாடிகளில் போட்டித் தூரத்தை கடந்து தங்கம் வென்றார். வெள்ளி பதக்கத்தை அமெரிக்காவின் அலிசன் பெலிக்சும், வெண்கலத்தை ஜமேக்காவின் கெரோன் ஸ்டூவர்ட்டும் கைப்பற்றினர்.
ஆண்கள் 100 மீற்றர் 200 மீற்றர் மற்றும் பெண்களுக்கான 100 மீற்றர் ஓட்டத்திலும் தங்கம் வென்ற ஜமேக்கா தற்போது பெண்களுக்கான 200 மீற்றர் ஓட்டத்திலும் முதலிடம் பிடித்து ஆதிக்கம் செலுத்தி வருகிறது. தடகளத்தில் சாதிக்கும் என எதிர்பார்க்கப்பட்ட அமெரிக்கா பெரிதாக எதுவும் சாதிக்கவில்லை.
No comments:
Post a Comment