ரஜினி நடிக்கும் ரோபோ படத்தின் பெயர் எந்திரன் என மாற்றப்பட்டுள்ளது. இதன் படப்பிடிப்புக்காக ரஜினியும் ஐஸ்வர்யாராயும் அமெரிக்கா சென்றுள்ளனர். இரண்டு பாடல் காட்சிகள் அங்கு படமாக்கப்படுகிறது. ஐங்கரன் இன்டர்நேஷனல் பிலிம்ஸ் வழங்கும் ஈரான் இண்டர்நேஷனல் நிறுவனத்தின் பிரமாண்ட தயாரிப்பான இப்படத்துக்கு ஏ.ஆர்.ரகுமான் இசையமைக்கிறார். ஒளிப்பதிவு ஆர்.ரத்னவேலு , கலை சாபுசிரில் பாடல்கள் வைரமுத்து, பா.விஜய், படத்தொகுப்பு அன்டனி, நடனம் ராஜவுசுந்தரம், உடைகள் வடிவமைப்பு மனிஷ்மல்கோத்ரா.
ஹாலிவுட் நிபுணர்கள் இப்படத்தில் பணியாற்றி உள்ளனர். மென்இன் பிளாக் பேட்மேன்ரிட்டர்ன்ஸ்,போன்ற படங்களின் ஆடை வடிவமைப்பாளர் மேரிஇவோக்ட் இந்த படத்தின் விஞ்ஞான ரீதியாக உடைகளை வடிவமைக்கிறார்.
பிரிடேட்டர் ஜவுராசிக் பார்க், பியர்ல் ஹார்பர், அயன்மேன், டெர்மினேட்டர் போன்ற படங்களில் பணியாற்றிய ஸ்டான்வின்ஸ்டன் ஸ்டூடியோ இந்த படத்தின் மூலம் முதல்முறையாக இந்தியப் படம் ஒன்றிற்கு அனிமேட்ரானிக்ஸ் செய்கிறது.
ஹாலிவுட் ஸ்டண்ட் இயக்குனர் யூவான் வூ பிங், எந்திரன் படத்துக்கான சண்டைப்பயிற்சியை கவனிக்கிறார். ஐ.எல்.எம், திப்பத், கேப்இஎப்எக்ஸ், போன்ற ஹாலிவுட் கம்பெனிகளும், சென்ட்ரோ மென்பான்ட் போன்ற ஹாங்காங் கம்பெனிகளும் இந்த படத்தில் விசுவல் எபெக்ட்ஸ் மற்றும் அனிமேட்ரானிக்சில் பணிபுரிய உள்ளன.
No comments:
Post a Comment