பாராலிம்பிக் கோலாகலமாக நிறைவு 211 பதக்கங்களுடன் சீனா முதலிடம்

பெய்ஜிங்கில் நடைபெற்றுவந்த 13 ஆவது ஊனமுற்றோருக்கான ஒலிம்பிக் போட்டி புதன் கிழமை நிறைவு பெற்றது. சீனத் தலைநகர் பீஜிங்கில் ஒலிம்பிக் திருவிழா கடந்த மாதம் பிரமாண்டமாக நடந்து முடிந்தது. அதைத் தொடர்ந்து அங்கேயே கடந்த 6 ஆம் திகதி ஊனமுற்றோருக்கான ஒலிம்பிக் விளையாட்டுப் போட்டிகள் தொடங்கின. இதில் 148 நாடுகளைச் சேர்ந்த 4200 வீரர், வீராங்கனைகள் பங்கேற்றனர்.

உடல் குறைபாட்டை ஒரு குறையாகக் கருதாமல், வீரர்கள் தங்கள் முழுத் திறமையை வெளிப்படுத்தி காண்போரை பிரமிக்க வைத்தனர். 12 நாட்கள் நடந்த இந்த போட்டி நேற்று முன்தினம் நிறைவடைந்தது. பீஜிங் பறவைக்கூடு வடிவிலான தேசிய மைதானத்தில் கண்ணைக் கவரும் கலை நிகழ்ச்சிகள், மயிர் கூச்செறியும் நடனங்கள், வாணவேடிக்கைகளுடன் விழா நிறைவு பெற்றது.

இந்தப் போட்டியில் மொத்தம் 76 நாடுகள் பதக்கப் பட்டியலில் இடம் பெற்றன. முழுமையாக ஆதிக்கம் செலுத்திய சீனா 89 தங்கம் உட்பட மொத்தம் 211 பதக்கங்கள் குவித்து முதலிடத்தை பிடித்தது. பதக்கப் பட்டியலில் முதல் 10 இடங்களை பிடித்த நாடுகள் விபரம் வருமாறு;

நாடுதங்கம், வெள்ளி, வெண்கலம்,மொத்தம்

சீனா89,70,52,211 இங்கிலாந்து42,29,31,102 அமெரிக்கா36,35,28,99 உக்ரைன்24,18,32,74 அவுஸ்திரேலியா 23,29,27,79 தென்னாபிரிக்கா21,3,6,30 கனடா19,10,21,50 ரஷ்யா18,23,22,63 பிரேசில்16,14,17,47 ஸ்பெயின்15,21,22,58

No comments: