மீண்டும் காதல் வலையில் வோர்ன்

அவுஸ்திரேலிய சுழல் ஜாம்பவான் ஷேன் வோர்ன் மீண்டும் காதல் வலையில் சிக்கியுள்ளார்.

வோர்ன் காதல் சர்ச்சைகளில் சிக்கிக் கொள்வது வழக்கம். 2000 இல் நேர்ஸ் ஒருவர் வோர்ன் தன்னிடம் போனில் காதல் வார்த்தைகள் பேசி தொந்தரவு செய்வதாக புகார் கொடுத்தார். லண்டன் ஹோட்டல் ஒன்றில் தன்னிடம் வோர்ன் தகாத முறையில் நடந்து கொண்டதாக இளம் பெண் ஒருவர் பகிரங்க குற்றம் சாட்டினார்.

ஹெலன் என்ற தென் ஆபிரிக்க பெண்ணும் இதே புகாரை 2003 இல் கொடுத்தார். கெரிஎன்ற பெண்ணுக்கும் ஆபாச எஸ்.எம்.எஸ்.அனுப்பியது அம்பலமானதால் மனைவி சிமோனின் வெறுப்பை சம்பாதித்த வோனின் மண வாழ்க்கை விவாகரத்தில் முடிந்தது.

இந்நிலையில் ரி.வி. தொகுப்பாளர் கெல்லியுடன் தற்போது காதல் வசப்பட்டுள்ளார். இது பற்றி கெல்லியின் தந்தை கூறுகையில்; என் மகளின் தனிப்பட்ட வாழ்க்கையில் தலையிட விருப்பமில்லை. அவர் வோர்னுடன் பழகுவது பற்றி தெரியாது என்றார்.